ເພື່ອເປັນການແນະນຳນັກສຶກສາຄົ້ນຄວ້າບັນຫາຕ່າງໆ (Issues) ຂອງຕົວເມືອງ
ແລະ ຊົນນະບົດ ທີ່ມີ ຄວາມສົນໃຈພິເສດ ເພື່ອກຽມຄວາມພ້ອມພື້ນຖານໃຫ້ກັບການຂຽນບົດໂຄງການຈົບຊັ້ນ,
ໂດຍເນັ້ນສຶກສາ ລັກສະນະສະເພາະຂອງປັນຫາ, ສາເຫດຂອງປັນຫາ, ຫຼັກການແກ້ໄຂ ຫຼື
ທິດສະດີທີ່ກ່ຽວຂ້ອງທາງຜັງເມືອງ, ນິຕິກຳ ແລະ ໂຄງການ ຕົວຢ່າງທີ່ຄ້າຍຄືກັນ.
- Teacher: ອານຸຊາ ຄຳມຸງຄຸນ
ເນື້ອໃນຂອງວິຊານີ້ເປັນການສຶກສາຮຽນຮູ້ກ່ຽວກັບປະຫວັດການຕັ້ງຖິ່ນຖານ ແລະ ການພັດທະນາຕົວເມືອງໃນແຕ່ລະໄລຍະຂອງກຳເນີດ ແລະ ການຂະຫຍາຍຕົວຂອງສັງຄົມລາວ ນັບຕັ້ງແຕ່ບຸຮານຈົນເຖິງປັດຈຸບັນ.
- Teacher: ອານຸຊາ ຄຳມຸງຄຸນ
ແນະນຳກ່ຽວກັບຄວາມຮູ້ພື້ນຖານຂອງວຽກງານຜັງເມືອງ ໂດຍສະເພາະຄວາມຮູ້ກ່ຽວກັບການກຳເນີດ ແລະ ຂະຫຍາຍຕົວຂອງຕົວເມືອງ, ປັນຫາພື້ນຖານຂອງຕົວເມືອງ, ປັດໄຈທີ່ສົ່ງຜົນກະທົບຕໍ່ການປ່ຽນແປງ ແລະ ພັດທະນາຕົວເມືອງ, ຄວາມເຂົ້າໃຈເບື້ອງຕົ້ນກ່ຽວກັບວຽກງານຜັງເມືອງ, ຫຼັກການພື້ນຖານສຳລັບການສ້າງແຜນຜັງເມືອງ ແລະ ຫຼັກການພື້ນຖານກ່ຽວກັບການຈັດຕັ້ງປະຕິບັດແຜນຜັງເມືອງ, ການຄຸ້ມຄອງຕົວເມືອງ ແລະ ການຂໍອະນຸຍາດປຸກສ້າງ.
- Teacher: ອານຸຊາ ຄຳມຸງຄຸນ
ວິຊານີ້ (ຫຼື ກຳລັງວັດສະດຸ) ສຶກສາກ່ຽວກັບໜ່ວຍແຮງ ແລະ ການປ່ຽນຮູບ, ຊິ້ນສ່ວນໂຄງສ້າງຮັບແຮງບິດ, ແຮງເຊື່ອນ ແລະ ໂມມັງກ່ອງໃນຄານ, ໜ່ວຍແຮງດັດ ແລະ ໜ່ວຍແຮງເຊື່ອນທີ່ເກີດຂື້ນໃນຄານ, ການກົ່ງຕົວຂອງຄານ, ຊິ້ນສ່ວນໂຄງສ້າງຮັບແຮງປະສົມ, ຄານປະກອບດ້ວຍວັດສະດຸແຕກຕ່າງກັນ, ຊິ້ນສ່ວນໂຄງສ້າງຮັບແຮງໜີບ, ຄານສະຖິດສາດເກີນ.
- Teacher: ສຸວັນນາ ວົງຄຳຈັນ